«Barselona» bosh murabbiyi Hans-Diter Flik «Jirona»ga qarshi uchrashuvdagi maglubiyatdan so‘ng hakamlikka e’tiroz bildirishga asos borligini tan olsa-da, natijani referiga yuklamadi. Epizodda Klaudio Echeverri ham gol oldidan Jyul Kunde bilan to‘qnashuvda qoida buzganini tan oldi. Bu haqda euro-football.ru xabar beradi.
Flik jurnalistlar bilan suhbatda: «U yerda fol bo‘lgan, to‘g‘rimi? Boshqa gap yo‘q. Agar biz yaxshi o‘ynagan bo‘lsak, bu qarorni tanqid qilishim mumkin edi. Ammo men buni bahona sifatida ishlatilishini xohlamayman», dedi.
Tur yakuniga ko‘ra «Barselona» peshqadamlikni boy berdi. Endi kataloniyaliklar yetakchi «Real»dan ikki ochko ortda qolmoqda.
«Barselona» navbatdagi o‘yinini 22-fevral kuni «Levante»ga qarshi o‘tkazadi. Boshlang‘ich hushtak 20:15 da (Toshkent vaqti bilan) yangraydi.
“Zamin”ni Telegramʻda oʻqing!
