"Manchester Siti" himoyachisi Abduqodir Husanov joriy Chempionlar ligasi mavsumida eng yuqori tezlik ko'rsatgan futbolchi sifatida e'tirof etildi. Bu haqdagi statistikani CIES taqdim etdi. Bu haqda euro-football.ru xabar beradi.
Ma'lumotlarga ko'ra, o'zbekistonlik himoyachi maydonda 35,8 km/soat tezlikka chiqdi. Shu tariqa u "Real" yulduzi Kilian Mbappe (35,67 km/soat), "Liverpul" hujumchisi Ugo Ekitike (34,91 km/soat) hamda jamoadoshi Erling Holand (34,87 km/soat)dan ham yuqori natija qayd etdi.
Chempionlar ligasining umumiy bosqichi yakunlariga ko'ra, "Manchester Siti" kuchli sakkizlikdan joy olib, pley-off saralash (styik) o'yinlarisiz keyingi bosqichga yo'l oldi. Ushbu bosqich uchrashuvlari bugun, 17-fevral kuni start oladi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
