"Sevilya" bosh murabbiyi Matias Almeyda Ispaniya La Ligasi intizomiy komissiyasi qarori bilan yetti uchrashuvga diskvalifikatsiya qilindi. Bu jazo o'tgan hafta oxirida "Alaves"ga qarshi bahsda murabbiy chetlatilgani ortidan qo'llandi. Bu haqda euro-football.ru xabar beradi.
Uchrashuvning 85-daqiqasida Almeyda avvalroq ogohlantirishlar olganiga qaramay yana keskin norozilik bildirib, natijada hakam tomonidan maydondan haydaldi.
Komissiya izohiga ko'ra, yetti o'yinlik chetlatish bir nechta bandlardan iborat: 2 tur — hakam qarorlariga e'tirozlar uchun, 1 tur — chetlatilgandan keyin maydonni tark etishni cho'zganini uchun, 3 tur — hurmatsiz xatti-harakatlar va ortiqcha ishoralar uchun. Yana 1 tur esa Almeyda ketayotib suv shishasini bir necha bor tepib yuborgani sabab qo'shildi.
Shu tariqa, argentinalik mutaxassis "Real" va "Barselona"ga qarshi muhim uchrashuvlarni ham o'tkazib yuboradi.
“Zamin”ni Telegramʻda oʻqing!
