Avval mashhur bo'lgan futbolchi Dmitriy Sychyov 2003-2004 yillarda fransuzning «Marsel» klubida to'p surgan davrlarini esladi. Uning aytishicha, o'sha paytda shaharda futbolchilarga bo'lgan e'tibor shu qadar kuchli ediki, oddiy hayot kechirish ham mushkul bo'lgan. Bu haqda euro-football.ru xabar beradi.
«Marselda futbolga qiziqish juda katta: do'konga chiqishning o'zi ham qiyin. Oziq-ovqat olish uchun kirasan, oxir-oqibat 20-30 daqiqa suratga tushasan, keyin mahsulot tanlaysan. Haqiqiy shov-shuv!» — deya Sychyovning so'zlarini «Sport-Ekspress» nashri keltiradi.
Sychyovning ta'kidlashicha, aynan shunday vaziyatlar sabab u shahardan tashqariga ko'chib o'tishga majbur bo'lgan.
Dmitriy Sychyov «Marsel» safida barcha musobaqalarda jami 44 ta rasmiy uchrashuvda maydonga tushib, 7 ta gol urgan va 1 ta golli uzatma muallifi bo'lgan.
“Zamin”ni Telegramʻda oʻqing!
