Braziliya terma jamoasi bosh murabbiyi Karlo Anchelotti Braziliya futbol konfederatsiyasi bilan amaldagi kelishuvini katta ehtimol bilan uzaytirishini ma'lum qildi. Bu haqda euro-football.ru xabar beradi.
Italiyalik mutaxassis hozirgi ish joyi unga juda ma'qul ekanini ta'kidladi.
«O'ylaymanki, Braziliya bilan shartnomani to'rt yilga uzaytiraman. Bu men uchun yangi ish, va u menga juda yoqmoqda», — deya Anchelottining so'zlarini Movistar keltirdi.
Anchelotti 2025 yil may oyida Madridning «Real» klubidan ketganidan so'ng Braziliya terma jamoasini qabul qilib olgandi. Uning qo'l ostida braziliyaliklar 2026 yilgi jahon chempionati saralash bosqichidan muvaffaqiyatli o'tdi.
Mundial guruh bosqichida Braziliya Shotlandiya, Gaiti va Marokashga qarshi maydonga tushadi.
“Zamin”ni Telegramʻda oʻqing!
