Angliya terma jamoasining sobiq hujumchisi Gari Lineker UEFA Chempionlar ligasi pley-off bosqichi doirasidagi "Benfika" – "Real" uchrashuvida yuzaga kelgan mojaroni izohladi. O'yin davomida madridliklar hujumchisi Vinisius Juniorga nisbatan irqchilik ruhidagi haqoratlar yangragani aytilmoqda. Bu haqda euro-football.ru xabar beradi.
Linekerning so'zlariga ko'ra, Vinisius chiroyli gol urib, uni nishonlaganidan keyin "Benfika" futbolchilaridan biri braziliyalik futbolchini haqorat qilgan. Ekspert bunday holatni isbotlash qiyin bo'lishi mumkinligini ta'kidladi, biroq irqchilikning har qanday ko'rinishi o'yinga salbiy ta'sir qilishini, bu masala futbol doirasidan ancha tashqariga chiqib ketganini qo'shimcha qildi.
Uchrashuv "Real"ning 1:0 hisobidagi minimal g'alabasi bilan yakunlandi. Qarama-qarshilikning javob o'yini "Santyago Bernabeu" stadionida bo'lib o'tadi.
“Zamin”ni Telegramʻda oʻqing!
