Argentina futbol assotsiatsiyasi (AFA) prezidenti Klaudio Tapia ijtimoiy badallar to'lanmagani yuzasidan olib borilayotgan ish doirasida prokuraturaga so'roqqa chaqirildi. Bu haqda euro-football.ru xabar beradi.
Ushbu ishda AFA g'aznachisi Pablo Tovigino ham gumondor sifatida tilga olinmoqda. Huquq-tartibot idoralari har ikki mansabdorga mamlakatni tark etishni taqiqladi.
So'roq 5 mart kuni bo'lib o'tishi belgilangan. Tergov materiallariga ko'ra, davlat g'aznasi AFA tomonidan to'lanishi kerak bo'lgan ijtimoiy badallar bo'yicha 13 million dollar yetishmovchilikni aniqlagan.
Shuningdek, Tapia mulkida qayd etilgan, vertolyot maydonchasiga ega 10 gektarlik qo'rg'on ham tekshiruv e'tibor markazida.
Prokuraturani futbolchilarga beriladigan bonuslar miqdori ham qiziqtirmoqda: ma'lumotlarga ko'ra, bu ko'rsatkich Tapianing dunyo bo'ylab parvoz xarajatlaridan ham past.
“Zamin”ni Telegramʻda oʻqing!
