Myunxenning “Bavariya” klubi yarim himoyachisi Jamal Musiala Bundesliganing 23-turida “Ayntraxt”ga qarshi o‘yindan keyin (3:2) hozirgi jismoniy holati va uchrashuv taassurotlari haqida fikr bildirdi. Bu haqda euro-football.ru xabar beradi.
Musialaning so‘zlariga ko‘ra, u o‘zini yaxshi his qilmoqda, biroq yanada ko‘proq maydonga tushib, o‘yin ritmini tiklab olishi kerak. Shunga qaramay, u “Ayntraxt”ga qarshi bahsdagi harakatlaridan mamnun ekanini ta’kidladi.
Yarim himoyachi jamoa raqib nomidan qat’i nazar, har doim 100 foiz energiya va diqqatni saqlab qolishi shartligini aytdi. Uning qo‘shimcha qilishicha, Dortmunddagi navbatdagi uchrashuvgacha bir hafta vaqt bor va bu orada bugungi o‘yinda nimasi yaxshi chiqmaganini tahlil qilib, xatolardan saboq olish zarur.
Hozirda “Bavariya” Bundesliga turnir jadvalida 23 turdan so‘ng 60 ochko jamg‘argan holda peshqadam bo‘lib turibdi.
“Zamin”ni Telegramʻda oʻqing!
