Myunxenning «Bavariya» jamoasi bosh murabbiyi Vensan Kompani hujumchi Garri Keynning maydondagi vazifalari va o'yin uslubidagi o'zgarishlar haqida fikr bildirdi. Angliyalik futbolchi so'nggi paytlarda yarim himoyaga tez-tez tushib, sheriklariga pas tarqatishda ham ko'proq ko'rinmoqda. Bu haqda euro-football.ru xabar beradi.
Kompani bu yondashuv futbolchining kuchli jihatlarini hisobga olgan holda tanlanganini aytdi: «Men doim futbolchilarimning sifatlarini inobatga olaman. Garri juda aqlli. Himoyada ham o'z roli bor, ammo to'p bizda bo'lsa, buning yarmi murabbiyning ishi, yarmi esa futbolchiga ishonch — u to'g'ri qaror qabul qilishiga», — dedi u Sky nashriga.
Mutaxassis o'zi himoyachi bo'lgan paytlarini ham esladi: «Men ko'p marta Garriga qarshi o'ynaganman. O'shanda uning bu fazilatlarini sezmaganman, chunki u doim eng old chiziqda turardi. Rostini aytsam, u paytda unga qarshi himoyalanish ancha osonroq edi. Faqat buni Garriga aytmang!» — deya hazillashdi Kompani.
Shanba kuni «Bavariya» «Ayntraxt»ni 3:2 hisobida mag'lub etdi.
“Zamin”ni Telegramʻda oʻqing!
