«Barselona»ning o'ng qanot himoyachisi Jyul Kunde jamoa uchun yarim himoyachi Pedrining ahamiyati haqida fikr bildirdi. Bu haqda euro-football.ru xabar beradi.
23 yoshli ispaniyalik futbolchi jarohatdan keyin safga qaytdi. U La Liganing yakshanba kungi «Levante»ga qarshi uchrashuvida (3:0) 66-daqiqada zaxiradan maydonga tushdi.
«Pedri hamma narsani o'zgartiradi. Albatta, biz unga muhtoj edik. Ko'plab vaziyatlarda o'yinimiz aynan u orqali quriladi. U bo'lmaganda bu doim seziladi — hatto himoyada ham», — deya Kundening so'zlarini ispan manbalariga tayanib keltiradi «Gazeta.Ru».
Pedri «ko'k-anorranglilar»ning avvalgi yetti uchrashuvini o'tkazib yuborgan, shulardan ikkitasi mag'lubiyat bilan yakunlangan.
Xans-Diter Flik boshchiligidagi jamoa La Liga turnir jadvalida yana peshqadamlikni qo'lga oldi va Madridning «Real»ini bir ochkoga ortda qoldirmoqda.
“Zamin”ni Telegramʻda oʻqing!
