«Barselona» yarim himoyachisi Mark Bernal o‘zini sobiq jamoa yetakchisi Serxio Buskets bilan taqqoslashlari haqidagi fikrlarini aytdi. Bu haqda euro-football.ru xabar beradi.
18 yoshli futbolchi yakshanba kuni «Levante»ga qarshi o‘yinda kataloniyaliklarning 3:0 hisobidagi g‘alabasiga hissa qo‘shdi: u uchrashuvning 4-daqiqasidayoq hisobni ochdi. 66-daqiqada bosh murabbiy Hans-Diter Flik Bernalni jarohatdan qaytgan Pedriga almashtirdi.
«Buskets bilan qiyoslashlari men uchun katta sharaf, ammo men endi-endi faoliyatimni boshlayapman. “Kamp Nou”da urilgan har bir gol alohida tuyg‘u beradi — bu juda ajoyib lahza edi. “Barselona” — dunyodagi eng yaxshi klub. Asosiy tarkibdagi o‘rin uchun har birimiz bor kuchimizni berishimiz kerak. Bugun juda yaxshi o‘ynadik, g‘alaba qozondik va gol ham o‘tkazmadik — bundan xursandmiz», — deya Bernalning so‘zlarini keltiradi Barca Universal.
Yosh ispaniyalik futbolchi «Barselona» safida 23 o‘yinda 2 ta gol urib, 1 ta assist qayd etgan.
“Zamin”ni Telegramʻda oʻqing!
