"Barselona"ning sobiq prezidenti Joan Laporta 2024 yilda Xavi jamoa bosh murabbiyligidan ketgan jarayonni esga oldi. Bu haqda euro-football.ru xabar beradi.
Laportaning aytishicha, qaror shoshma-shosharlik bilan qabul qilinmagan: u Xaviga tajriba yetishmasligini bildirgan, Xavi esa Qatarda ishlagani davomida tajriba to'plaganini ta'kidlagan. Rahbar oxir-oqibat mutaxassisga ishonch bildirganini, biroq hammasi kutilgandek kechmaganini qayd etdi.
Laporta Xavining bayonotlari klub yondashuvini o'zgartirganini ham qo'shimcha qildi. Uning so'zlariga ko'ra, u murabbiydan jamoaga ishonch bormi, deb so'raganida Xavi "100 foiz" deya javob bergan. Biroq o'tgan mavsum davomida murabbiy boshqa fikr bildirganini, ikki haftadan so'ng esa "Barselona" yana ikki yil raqobatbardosh bo'la olmasligini aytgan.
Shuningdek, Laportaning ta'kidlashicha, sport direktori Deko unga Xavi tarkibdan 10 nafar futbolchini almashtirishni so'raganini aytgan. Laporta bu gaplarni Catalunya Radio efirida ma'lum qildi.
Eslatib o'tamiz, 2024 yil yozida "Barselona" bosh murabbiyligiga Hans-Diter Flik tayinlangan.
“Zamin”ni Telegramʻda oʻqing!
