Milanning «Inter» klubi himoyachisi Federiko Dimarko Yevropa Chempionlar Ligasi doirasida Norvegiyaning «Bude-Glimt» jamoasiga qarshi uchrashuv oldidan matbuot anjumanida qatnashdi. Javob bahsi 23 fevral kuni bo‘lib o‘tadi, ilk o‘yinda esa «neradzurrilar» 1:3 hisobida mag‘lub bo‘lgandi. Bu haqda euro-football.ru xabar beradi.
Dimarkoning ta’kidlashicha, jamoa ikki to‘p farqi bilan ortda borayotgani sababli, raqibning qarshi hujumlariga alohida e’tibor qaratishi shart. U «Bude-Glimt»ning bu mavsum Chempionlar Ligasida tezkor o‘tishlarda juda xavfli bo‘lganini eslatib o‘tdi.
Himoyachi fikricha, «Inter» uchun birinchi vazifa — imkon qadar tezroq gol urib, hisobni qisqartirish. Shundan keyin o‘yin qanday kechishiga qarab keyingi rejalar tuziladi.
Qayd etilishicha, Dimarko joriy mavsumda 6 ta gol urib, 15 ta golli uzatmani amalga oshirgan.
“Zamin”ni Telegramʻda oʻqing!
