Kataloniyaning «Barselona» jamoasi bosh murabbiyi Hans-Diter Flik intizomni kuchaytirdi: endi jamoada kechikishlar uchun jarimalar tizimi joriy etildi. Bu haqda ispaniyalik jurnalistlar bilan suhbatda «ko'k-anorranglilar» hujumchisi Ferran Torres ma'lum qildi. Bu haqda euro-football.ru xabar beradi.
Qoidaga ko'ra, uchrashuv kuni kechikkan futbolchiga 40 ming yevro miqdorida jarima qo'llanadi. Shuningdek, mashg'ulotlar va jamoaviy yig'ilishlarga kechikishlar ham moliyaviy sanksiyalar bilan jazolanadi.
61 yoshli nemis mutaxassisi «Barselona»ni 2024 yil yozidan buyon boshqarib kelmoqda. Tomonlar o'rtasidagi amaldagi shartnoma 2027 yil iyun oyi oxirigacha mo'ljallangan.
La Liganing 25-turidan so'ng «Barselona» 61 ochko bilan turnir jadvalida birinchi o'rinda bormoqda.
“Zamin”ni Telegramʻda oʻqing!
