Joze Mourinyu birinchi o‘yinda olgan qizil kartochkasi sabab «Santyago Bernabeu»dagi javob uchrashuvida «Benfika» murabbiylar o‘rindig‘ida bo‘la olmaydi. Vaziyat yuzasidan «Real» bosh murabbiyi Alvaro Arbeloa fikr bildirdi. Bu haqda euro-football.ru xabar beradi.
Jurnalistlar Arbeloaga Mourinyu yo‘qligi «Benfika»ni zaiflashtiradimi, degan savol bilan murojaat qilishdi. «Men jamoamning yaxshi o‘yin ko‘rsatishiga e’tibor qaratganman. Bu Mourinyu faoliyatida birinchi marta emas — u bo‘lmagan paytda ham jamoalari natija qila oladi. Ajoyib o‘yin, katta shou bo‘lishiga umid qilaman… va g‘olib «Real» bo‘lsin», — dedi Arbeloa.
Chempionlar ligasi pley-off bosqichi ilk uchrashuvida «Real» safarda «Benfika»ni 1:0 hisobida mag‘lub etgan. Javob o‘yini 26 fevral kuni 01:00 da (Toshkent vaqti bilan) boshlanadi.
“Zamin”ni Telegramʻda oʻqing!
