“Barselona”ning sobiq hujumchisi, hozirda klubning sport bo‘limida faoliyat yuritayotgan Boyan Krkich Chempionlar ligasi 1/8 finaliga tashlangan quraga munosabat bildirdi. Bu bosqichda kataloniyaliklar “Nyukasl”ga qarshi maydonga tushadi. Bu haqda euro-football.ru xabar beradi.
Krichning aytishicha, jamoa avvalo o‘z o‘yiniga e’tibor qaratishi kerak. U “Nyukasl”ni kuchli raqib sifatida tilga oldi va “Barselona” bu mavsumda ular bilan allaqachon o‘ynab ko‘rganini eslatdi. “Eng muhimi — uchrashuvga to‘g‘ri holatda yetib borish. Hozir esa oldinda La Liga hamda Ispaniya kubogidagi o‘yinlar bor. Futbolda eng muhim o‘yin — navbatdagisi”, — dedi u UYEFA matbuot xizmatiga.
“Nyukasl” va “Barselona” o‘rtasidagi ilk uchrashuv 10 mart kuni bo‘lib o‘tadi. Javob bahsi 18 mart kuni “Kamp Nou”da o‘tkaziladi.
“Zamin”ni Telegramʻda oʻqing!
