“Barselona” prezidenti Joan Laporta Chempionlar ligasida “Nyu-kasl”ga qarshi bo'ladigan bahslar haqida fikr bildirdi. Bu haqda euro-football.ru xabar beradi.
1/8 final uchun qur'a tashlash marosimi juma kuni bo'lib o'tdi. Kataloniyaliklar va “soroklar” o'rtasidagi ilk uchrashuv 10 martga rejalashtirilgan, javob o'yini esa sakkiz kundan keyin o'tkaziladi.
“Bu mavsumda biz “Nyu-kasl”ga qarshi allaqachon o'ynaganmiz va o'shanda hammasi yaxshi kechgan. Yana shunday bo'lishiga umid qilamiz. Ammo ikki o'yindan iborat qarama-qarshiliklarning o'ziga xos jihatlari bor, bu butunlay boshqa sinov. Baribir biz ko'p mehnat qilishimiz va kerakli intensivlikda o'ynashimiz shart”, — deya Laportaning so'zlarini keltiradi Barca Universal.
Eslatib o'tamiz, sentabr oyida “Sent-Jeyms Park”da umumiy bosqich doirasida o'tgan uchrashuvda “Barselona” 2:1 hisobida g'alaba qozongandi.
“Zamin”ni Telegramʻda oʻqing!
