"Barselona"ning polshalik hujumchisi Robert Levandovski joriy Ispaniya chempionati mavsumi tugagach, futbolchilik faoliyatini yakunlash haqida jiddiy o'ylayotgani aytilmoqda. Bu haqda The Touchline nashri xabar berdi. Bu haqda euro-football.ru xabar beradi.
Avvalroq kataloniyaliklar futbolchining muddati yakunlanayotgan shartnomasini uzaytirishni rejalashtirmayotgani haqida ma'lumotlar tarqalgan edi.
Manbaga ko'ra, 37 yoshli forvard yaqin yozda butsalari bilan xayrlashish qaroriga tobora yaqinlashmoqda. Levandovskining oilasi Barselonada o'zini juda qulay his qilmoqda va boshqa mamlakatga, masalan, Saudiya Arabistoniga ko'chib yangi hayot boshlash variantiga qiziqish bildirmayapti.
Levandovski bu mavsum barcha turnirlarda 31 uchrashuvda maydonga tushib, 13 ta gol urdi va 3 ta golli uzatmani amalga oshirdi.
“Zamin”ni Telegramʻda oʻqing!
