Angliya Premer-ligasining 28-tur bahslari yana bir qator qiziqarli natijalar bilan davom etdi. Kunning eng diqqat markazidagi uchrashuvlaridan birida “Manchester Yunayted” o‘z maydonida “Kristal Pelas”ni 2:1 hisobida mag‘lub etib, irodali g‘alabaga erishdi va turnir jadvalida uchinchi pog‘onaga ko‘tarildi. Manchesterliklar 28 turdan keyin 51 ochko jamg‘arib, 2023 yil mayidan beri ilk bor kuchli uchlikka qaytdi.
Uchrashuv “Yunayted” uchun oson boshlanmadi. “Kristal Pelas” 4-daqiqadayoq Maksens Lakrua goli bilan hisobni ochdi. Biroq ikkinchi bo‘limda o‘yin butunlay o‘zgardi. Avvalo, 57-daqiqada Brunu Fernandesh penaltini aniq ijro etdi. Shu epizodda aynan Lakrua Mateus Kunyaga nisbatan qoidabuzarlik qilgani uchun maydondan chetlatildi. Oradan sakkiz daqiqa o‘tib, Fernandeshning uzatmasidan keyin Benyamin Sheshko bosh bilan g‘alaba golini kiritdi. Shu tariqa, portugaliyalik yarim himoyachi gol va assist bilan jamoasining bosh qahramoniga aylandi, Sheshko esa yana o‘zining samarali seriyasini davom ettirdi.
Manchester Yunayted — Kristal Pelas 2:1
Gollar: Fernandesh (57, penalti), Sheshko (65) — Lakrua (4).
Manchester Yunayted — Lammens, Dalot, Yoro, Maguayr (Heven, 85), Shou (Mazraui, 24), Kazemiro, Maynu, Fernandesh, Mbeumo (Zirkze, 85), Kunya, Sheshko (Diallo, 75).
Kristal Pelas — Henderson, Lakrua, Richards, Kanvot, Munios, Mitchell, Kamada (Pino, 85), Uorton (Hyuz, 68), Sarr, Jonson (Gessan, 58), Larsen (Riad, 58).
Ogohlantirishlar: Kamada (6), Dalot (36), Henderson (49), Heven (89).
Chetlatish: Lakrua (56).
Londondagi bahsda esa “Tottenhem” uchun yana bir omadsiz kun kuzatildi. “Shporlar” safarda “Fulhem”ga 1:2 hisobida yutqazib, o‘z ahvolini yanada og‘irlashtirib qo‘ydi. “Fulhem” tarkibida Harri Uilson va Aleks Ivobi gol urgan, “Tottenhem”ning yagona javob goliga Risharlison mualliflik qilgan. Bu mag‘lubiyatdan keyin “Tottenhem” 16-o‘rinda qoldi va quyi pog‘onalar bilan farq xavfli darajada qisqardi.
Fulhem — Tottenhem 2:1
Gollar: Uilson (7), Ivobi (34) — Risharlison (66).
Fulhem — Leno, Bessi, Diop, Sessenion, Tete, Berg, Ivobi (Kuenka, 90), Smit-Rou (Kerni, 72), Bobb (King, 73), Uilson (Chukvueze, 72), Ximenes (Muniz, 73).
Tottenhem — Vikario, van de Ven, Dragushin (Danzo, 90), Porro, Grey, Bissuma (Souza, 80), Palinya, Gallaher (Sarr, 58), Simons (Risharlison, 58), Kolo-Muani (Tel, 58), Solanke.
Ogohlantirishlar: Diop (61), van de Ven (64), Risharlison (66), Bessi (66), Kerni (90+2), Porro (90+5).
Yana bir bellashuvda “Brayton” o‘z maydonida “Nottinghem Forest”ni 2:1 hisobida mag‘lub etdi. Mezbonlar safida Diyego Gomes va Denni Uelbek gol urdi, mehmonlarda esa Morgan Gibbs-Uayt javob to‘pini kiritdi.
Brayton — Nottinghem Forest 2:1
Gollar: Gomes (6), Uelbek (15) — Gibbs-Uayt (13).
Brayton — Verbryuggen, van Hekke, Dank, Milner (Baleba, 86), Kadio‘g‘li, Viffer (Veltman, 71), Hinshelvud, Gross, Gomes (March, 86), Mitoma (de Kuper, 90+1), Uelbek.
Nottinghem Forest — Zels, Milenkovich, Murillo, Aina (Ndoye, 82), Uilyams (Nets, 56), Sangare, Anderson, Gibbs-Uayt, Hatchinson (Kunya, 56), Hadson-Odoi (Bakva, 74), Jezus (Avoniyi, 83).
Ogohlantirishlar: Anderson (30), Viffer (55), Mitoma (84), Dank (90+3).
Shu tariqa, 28-turning ushbu o‘yinlari bir necha muhim manzarani ochib berdi: “Manchester Yunayted” yuqori pog‘onalar uchun kurashda kuchli qadam tashladi, “Tottenhem” esa aksincha, yana bosim ostida qoldi. “Brayton” esa o‘z ochkolarini to‘ldirib, mavsumning hal qiluvchi qismiga yaxshiroq kayfiyat bilan kirib bormoqda.
“Zamin”ni Telegramʻda oʻqing!
