Yevropa Chempionlar ligasida pley-offning eng qiziq pallalari start olyapti. Bugun 1/8 final bosqichi doirasida ilk uchrashuvlar o‘tkaziladi va muxlislarni bir kechaning o‘zida to‘rtta salmoqli to‘qnashuv kutib turibdi. Bu bosqichda endi “xato qilish mumkin” degan gap yo‘q: har bir daqiqa, har bir epizod keyingi taqdirni hal qilishi mumkin.
Kechaning dastlabki markaziy o‘yini — “Galatasaray” va “Liverpul” o‘rtasida bo‘ladi. Ushbu bahs Toshkent vaqti bilan soat 22:45 da start oladi. Istanbuldagi atmosfera hamisha qattiq bosim beradi, “Liverpul” esa Yevropada bunday muhitlarga tayyor jamoa — demak, qiziq “duel” kafolat.
Qolgan juftliklardagi barcha uchrashuvlar esa bir vaqtda, soat 01:00 da boshlanadi. Bu yerda ham afishalar “yoqadi”: Italiyada “Atalanta” — “Bavariya”, Ispaniyada “Atletiko Madrid” — “Tottenxem”, Angliyada esa “Nyukasl” — “Barselona” to‘qnash keladi. Qisqasi, bu kecha uyqu rejimiga hujum bo‘ladi — lekin shunday futbol uchun arziydi.
Quyida bahslar ro‘yxati:
22:45 — “Galatasaray” – “Liverpul”
01:00 — “Atalanta” – “Bavariya”
01:00 — “Atletiko M” – “Tottenxem”
01:00 — “Nyukasl” – “Barselona”
“Zamin”ni Telegramʻda oʻqing!
