Italiyaning mashhur “Milan” klubi portugaliyalik tezkor vinger Rafael Leauni sotishni ko‘rib chiqmoqda. Bu haqda italyan nashri La Gazetta dello Sport xabar berdi.
Manba ma’lumotlariga ko‘ra, avval klub futbolchini qo‘yib yuborishni istisno qilgan, ammo “Latsio”ga qarshi o‘yindagi harakatlari rahbariyatning fikrini o‘zgartirdi. Endi “rossonerilar” Leau bo‘yicha keladigan har qanday taklifni ko‘rib chiqishga tayyor.
Futbolchining shartnomasida 170 million yevrolik tovon puli ko‘rsatilgan, ammo klub bu summani hech kim to‘lamaydi, deb hisoblaydi. Shu bois, 80 million yevro va undan yuqori takliflar e’tiborga olinadi.
Hodisa “Latsio”ga qarshi bahsda bosh murabbiy Massimiliano Allegri 66-daqiqada Leauni almashtirganidan keyin futbolchining jamoadoshlari bilan tortishuvga tushishi bilan bog‘liq.
Vingerning “Milan” bilan amaldagi shartnomasi 2028 yilning yoziga qadar amal qiladi, uning bozor qiymati Transfermarkt ma’lumotlariga ko‘ra 70 million yevro.
Joriy mavsumda portugaliyalik futbolchi 24 ta uchrashuvda maydonga tushib, 10 ta gol va 3 ta golli uzatmani amalga oshirdi. Endilikda klub va Leauning kelajak strategiyasi muxlislar diqqat markazida bo‘lib turibdi.
“Zamin”ni Telegramʻda oʻqing!
