"Barselona" hujumchisi Ferran Torres professional futbolchilik faoliyatini Angliyada davom ettirishi mumkin. Sport jurnalisti Ekrem Konurning so'zlariga ko'ra, agar Joshua Zirkze jamoani tark etishga qaror qilsa, "Manchester Yunayted" ispaniyalik hujumchini o'z safiga qo'shib olish imkoniyatini ko'rib chiqadi.
Xabarlarda ushbu ehtimoliy transfer Markus Reshford ishtirokidagi har qanday kelishuv yoki muzokaralarga mutlaqo aloqador emasligi alohida ta'kidlangan.
Torres atrofidagi vaziyatni Londonning "Arsenal", Milanning "Inter" va Madridning "Atletiko" klublari ham diqqat bilan kuzatib bormoqda. Shu bilan birga, "Barselona" futbolchini sotish variantini istisno etmayapti.
26 yoshli hujumchi joriy mavsumda barcha musobaqalarda 40 ta o'yinda ishtirok etib, 16 ta gol urdi va bitta golli uzatmani amalga oshirdi. Transfermarkt ekspertlari hozirda futbolchining bozor qiymatini 50 million yevroga baholamoqda.
“Zamin”ni Telegramʻda oʻqing!
