Foto: smi24.kz
Mo‘g‘uliston poytaxti Ulan-Bator shahrida davom etayotgan boks bo‘yicha Osiyo chempionati qizg‘in pallaga kirdi. Ayni paytda musobaqaning chorak final bosqichi bahslari o‘tkazilmoqda va bugun ham hal qiluvchi janglar muxlislar diqqat markazida bo‘ladi.
Bugungi kun dasturidan o‘rin olgan bellashuvlarda O‘zbekiston sharafini himoya qiladigan 6 nafar bokschimiz ringga ko‘tarilishi kutilmoqda. Har bir jang nafaqat yarim finalga chiqish, balki medal uchun kurashda hal qiluvchi ahamiyat kasb etadi.
Quyida juftliklar bilan tanishib chiqishingiz mumkin:
-48 kg: Sabina Boboqulova — Aigerim Sattibayeva (Qozog‘iston) 09:45
-57 kg: Nigina O‘ktamova — Ching-Yu Yao (Xitoy Taypeyi) 10:15
-85 kg: Jasurbek Yo‘ldoshev — Muhammadaziz Zakirov (Qirg‘iziston) 11:30
-75 kg: Javohir Abdurahimov — Atai Damir (Qirg‘iziston) 14:00
-80 kg: Fazliddin Erkinboyev — Erassil Jakpekov (Qozog‘iston) 15:30
-90 kg: Halimjon Mamasoliyev — Enkisanaa Gantulga (Mo‘g‘uliston) 16:15
Bellashuvlar Toshkent vaqti bilan ikki dasturda tashkil etilgan bo‘lib, birinchi qism 09:00 da, ikkinchi dastur esa 14:00 da start oladi.
O‘zbekiston boks federatsiyasi maʼlumotiga ko‘ra, jamoamiz vakillari musobaqada yuqori natijalar qayd etish va medallar sonini ko‘paytirishni maqsad qilgan. Muxlislar esa har bir jangni katta qiziqish bilan kuzatib, o‘z sportchilarini qo‘llab-quvvatlamoqda.
Bugungi kun o‘zbek bokschilari uchun juda muhim sinov bo‘lib, ularning natijalari mamlakat sporti uchun yana bir muhim yutuqqa aylanishi mumkin.
“Zamin”ni Telegramʻda oʻqing!
