“Lion” jamoasi hujumchisi, hozirda Madridning “Real” klubidan ijara asosida harakat qilayotgan Endrik o‘zining kumiri Krishtianu Ronaldu haqida samimiy fikrlarini bildirib o‘tdi.
Yosh futbolchining taʼkidlashicha, u Ronalduning faoliyatini doimiy ravishda kuzatib kelgan va portugaliyalik yulduz o‘ynagan har bir klubdagi chiqishlariga alohida qiziqish bilan qaragan.
— Menda “Manchester Yunayted”ga nisbatan alohida qiziqish bo‘lgan, chunki Krishtianu o‘sha yerda katta yutuqlarga erishgan. Men uning faoliyatini doim diqqat bilan kuzatganman. U MYUda, “Real”da, “Yuventus”da va keyinchalik “An-Nasr”da o‘ynagan paytlarda ham uning videolarini ko‘rib borganman, — dedi Endrik.
Uning so‘zlariga ko‘ra, Ronaldu qayerda to‘p surmasin, u baribir uning o‘yinini kuzatishni davom ettiradi va undan ilhom oladi.
Maʼlumki, Krishtianu Ronaldu 2023 yil boshidan buyon Saudiya Arabistonining “An-Nasr” klubi safida harakat qilib kelmoqda. Joriy yil fevral oyida esa portugaliyalik afsona o‘zining 41 yoshini nishonladi.
Qisqasi, Endrik kabi yosh isteʼdodlar uchun Ronaldu nafaqat kumir, balki haqiqiy motivatsiya manbai bo‘lib qolmoqda.
“Zamin”ni Telegramʻda oʻqing!
