"Manchester Siti" rahbariyati jamoaning amaldagi bosh murabbiyi Pep Gvardiola o'rniga munosib nomzod qidirish ishlarini boshlab yubordi. Klub mutasaddilari "Chelsi" sobiq ustozi Enzo Mareska bilan muzokaralar o'tkazgani va muloqot ijobiy ruhda o'tgani ma'lum bo'ldi. Gvardiolaning amaldagi shartnomasi yakunlanishiga sanoqli oylar qolayotgani sababli, klub kelajak rejalarini hozirdan shakllantirmoqda. Bu haqda Goal.com xabar beradi.
Mareska ilgari "Manchester Siti" tizimida faoliyat yuritgan va Gvardiolaning yordamchisi sifatida ishlagan. Uning klub falsafasini yaxshi bilishi va jamoa uslubiga mos kelishi rahbariyatning asosiy e'tiborini tortgan. Hozirda Gvardiolaning kelajagi borasida turli taxminlar bildirilayotgan bir paytda, klub rahbariyati kutilmagan o'zgarishlarga tayyor turishni maqsad qilgan.
Enzo Mareska o'tgan mavsumda "Lester"ni Premyer-ligaga qaytarganidan so'ng, "Chelsi"da ham o'zini ko'rsatishga ulgurgan edi. Uning "Etixad" stadioniga qaytishi jamoa uchun tanish muhitni saqlab qolish imkonini beradi. Tomonlar o'rtasidagi kelishuv tafsilotlari hozircha ochiqlanmagan bo'lsa-da, Mareska asosiy nomzodlardan biri bo'lib qolmoqda.
“Zamin”ni Telegramʻda oʻqing!
