Bosniya va Gersegovina terma jamoasining 18 yoshli hujumchisi Keim Alaybegovich Yevropaning yetakchi klublari e'tiborini tortmoqda. Yosh iqtidor terma jamoasining jahon chempionati saralashidagi muvaffaqiyatli ishtirokida asosiy rolni o'ynadi. Bu haqda Goal.com xabar beradi.
Hozirda «Zalsburg» safida to'p surayotgan futbolchi uchun Italiyaning «Milan», «Napoli» va «Roma» klublari qiziqish bildirmoqda. Avvalroq «Bayer» klubi 8 mln yevro evaziga qayta sotib olish huquqidan foydalanib, futbolchini o'z safiga qaytargan edi.
Germaniya klubi Alaybegovichni joriy yozgi transfer oynasida sotishga tayyor. Mutaxassislar futbolchining transfer qiymatini 20 mln yevrodan 30 mln yevrogacha baholamoqda.
U chap qanotda va hujumkor yarim himoyada birdek samarali o'yin ko'rsata oladi.
Alaybegovich o'zining tezkor driblingi va maydonni ko'rish qobiliyati bilan ajralib turadi. Skautlar uning o'yin uslubini tajribali futbolchilarga qiyoslashmoqda.
2026 yilgi jahon chempionati davomida unga bo'lgan qiziqish yanada ortishi kutilmoqda.
“Zamin”ni Telegramʻda oʻqing!
