Saka Angliya terma jamoasining Ukrainaga qarshi g'alabasini ta'minladi
Angliya terma jamoasi Ukraina ustidan 2:0 hisobida g'alaba qozondi. Bu bahsda Bukayo Saka uchrashuv qahramoni bo'lib, birinchi golga assistentlik qildi va keyin 20 metrdan ajoyib zarba bilan ikkinchi golni urdi. Bosh murabbiy Gareth Southgate Sakaning o'yinidan mamnunligini bildirib, uning o'zgarishlari va ishonchli o'yini haqida gapirdi. Saka endi "Arsenal" klubiga qaytib, shanba kuni "Lids" jamoasiga qarshi o'yinda maydonga tushishi kutilmoqda.
Angliya terma jamoasi Yevro-2024 saralash bosqichi doirasida Ukraina ustidan 2:0 hisobida ishonchli g'alabaga erishdi. «Uembli» stadionida o'tgan bahsda «Arsenal» vingeri Bukayo Saka uchrashuv qahramoniga aylandi. Bu haqda Goal.com xabar beradi.
Saka dastlab Garri Keynning birinchi goliga assistentlik qildi, so'ngra 20 metrlardan yo'llagan ajoyib zarbasi bilan raqib darvozasining yuqori burchagini aniq nishonga oldi. Ushbu natija Angliyaning saralash turniridagi 100 foizlik ko'rsatkichini saqlab qoldi.
Terma jamoa bosh murabbiyi Garet Sautgeyt 21 yoshli hujumchining o'yinidan mamnunligini bildirdi. Murabbiyning ta'kidlashicha, Saka hozirda darvoza oldida katta ishonch bilan harakat qilmoqda va bu uning ruhiyatidagi o'zgarishlar natijasidir.
«Uning ochko'zligi va kamtarligi uni to'g'ri yo'lga boshladi. Bukayoda o'sish va o'rganish uchun barcha xislatlar mavjud.
U bilan ishlash haqiqiy zavq bag'ishlaydi», — dedi Sautgeyt o'yindan keyingi intervyusida.
Uchrashuvning eng yaxshi futbolchisi deb topilgan Saka endi o'z klubi ixtiyoriga qaytadi. «Arsenal» shanba kuni Premyer-liga doirasida «Lids» jamoasiga qarshi maydonga tushishi kutilmoqda.
Izohlar 0
…