Xarri Maguayr Erik ten Xag uni "Manchester Yunayted" sardorligidan ozod qilgan paytni esladi. Angliyalik himoyachi murabbiyning rejalarida o'zini muhim qism sifatida his qilmay qo'yganini tan oldi. Bu haqda Goal.com xabar beradi.
U 2020-yildan beri taqib yurgan bog'ichni yo'qotishdan hafsalasi pir bo'lganini yashirmadi.
Ten Xag 2023-2024-yilgi mavsum oldidan Maguayrga klub sardori sifatida almashtirilishini ma'lum qildi. Lisandro Martines va Rafael Varan kabi o'yinchilar kelgach, himoyachining asosiy tarkibdagi o'rni sezilarli darajada qisqardi.
Murabbiy yangi sardorni tanlash faqat uning qarori ekanligini ta'kidladi.
Maguayr podkastda jamoaning qiyin davrlarida duch kelgan bosimlar haqida gapirdi. U o'sha paytda biroz sodda bo'lganini va yomon mavsum o'tkazayotgan jamoa sardori sifatida tanqidlarni oddiy hol deb o'ylaganini aytdi.
Keyinchalik bu holat uning oilasi uchun qiyin bo'lganini tushunib yetdi.
Himoyachi maydondagi daqiqalari kamaygani sari murabbiy bilan aloqasi yomonlashganini tan oldi. U sardor bo'lishni yaxshi ko'rganini va jamoa uchinchi o'rinni egallab, kubokni yutganini eslatib o'tdi.
Shunga qaramay, u murabbiy uchun to'g'ri qaror qabul qilinganini e'tirof etdi.
Yaqinda Maguayr klub bilan 2027 yil iyunigacha mo'ljallangan yangi shartnoma imzoladi. U 3 may kuni "Liverpul"ga qarshi bo'lib o'tadigan muhim uy uchrashuvida asosiy tarkibda maydonga tushishi kutilmoqda.
Bu o'yindagi g'alaba Chempionlar ligasiga yo'llanmani kafolatlashi mumkin.
“Zamin”ni Telegramʻda oʻqing!
