Barselona klubining sobiq prezidenti Xosep Mariya Bartomeu Neymar Pari Sen-Jermen safiga oʻtib ketganidan soʻng, kataloniyaliklar Kilian Mbappe uchun rasmiy taklif bilan chiqqanini maʼlum qildi. Bu voqea 2017-yilgi yozgi transfer oynasining shov-shuvli davriga toʻgʻri keladi, oʻshanda klub braziliyalik yulduz oʻrnini bosa oladigan futbolchi izlashga majbur boʻlgan edi. Bu haqda Goal.com xabar beradi.
Bartomeu SER nashriga bergan intervyusida Neymar 222 million yevro evaziga Parijga yoʻl olganidan soʻng klub qiyin ahvolda qolganini tan oldi. Uning soʻzlariga koʻra, Neymar ketishi jamoa uchun kutilmagan zarba boʻlgan va rahbariyat uning ketishini istamagan.
Oʻsha vaqtda Monako safida porlayotgan Kilian Mbappe Barselona uchun asosiy nishonlardan biriga aylangan edi. Klub bir vaqtning oʻzida ham Mbappe, ham Usmon Dembele boʻyicha muzokaralar olib borgan, biroq yakuniy qaror murabbiylar shtabiga havola qilingan.
Sobiq prezidentning taʼkidlashicha, murabbiylar shtabi aynan Usmon Dembeleni tanlagan. Shu sababli, Barselona Borussiya Borussiya Dortmund bilan 105 million yevrolik kelishuvga erishib, fransiyalik vinger bilan shartnoma imzolashni maʼqul koʻrgan.
“Zamin”ni Telegramʻda oʻqing!
