Real Madrid lagerida vaziyat keskinlashdi. Mashg‘ulotlar vaqtida Federico Valverde va Aurelien Tchouameni o‘rtasida yuz bergan janjal jamoa ichidagi muhit qanchalik yomonlashganini ko‘rsatib berdi. To‘qnashuv oqibatida Valverde boshidan jarohat olib, shifoxonaga yotqizildi va 10-14 kunga safdan chiqdi. Bu voqea klubdagi tartibsizliklarning cho‘qqisi bo‘ldi. Bu haqda Goal.com xabar beradi.
Muammolar ildizi 2024-yilgi yozgi transfer oynasiga borib taqaladi. Kylian Mbappe jamoaga kelganidan so‘ng, avvalgi uyg‘unlik yo‘qoldi. Toni Kroosning ketishi va yulduz futbolchining jamoaviy o‘yin tizimiga moslasha olmasligi Carlo Ancelotti uchun bosh og‘rig‘iga aylandi. Vinicius Junior va Jud Bellingem kabi yetakchilarning samaradorligi pasayib, jamoa o‘z o‘yinini topa olmay qoldi.
La Liga chempionligini boy bergan va Chempionlar ligasidan erta chiqib ketgan Real Madrid uchun bu mavsum omadsiz yakunlanmoqda. Klub rahbariyati yozda tarkibda jiddiy o‘zgarishlar qilishga majbur. Oldinda turgan El-Klasiko esa jamoa uchun mavsumdagi so‘nggi sinovlardan biri bo‘lib, undagi mag‘lubiyat vaziyatni yanada og‘irlashtirishi mumkin.
“Zamin”ni Telegramʻda oʻqing!
