Inter Mayami yulduzi Lionel Messi 2026-yilgi jahon chempionati arafasida kutilmagan bayonot bilan chiqdi. U amaldagi chempion Argentina terma jamoasidan ko‘ra, boshqa bir qator terma jamoalar sovrinni qo‘lga kiritish uchun yaxshiroq imkoniyatga ega ekanligini ta’kidladi. Bu haqda Goal.com xabar beradi.
Argentina terma jamoasi sardori jurnalist Pollo Alvarezga bergan intervyusida raqiblar hozirgi kunda yaxshiroq formada ekanligini tan oldi. Messi o‘z ro‘yxatiga Cristiano Ronaldo yetakchiligidagi Portugaliyani kiritgani ko‘pchilik uchun kutilmagan hol bo‘ldi. U portugaliyaliklarni juda raqobatbardosh va tarkib jihatidan muvozanatli jamoa deb atadi.
Shuningdek, argentinalik futbolchi Fransiya terma jamoasini ham alohida e’tirof etdi. Kylian Mbappe boshchiligidagi fransuzlar yuqori saviyadagi o‘yinchilarga boy ekanligini va har qanday turnirda bosh sovrin uchun kurasha olishini qayd etdi.
Messi ro‘yxatidan an’anaviy grandlar — Braziliya va Ispaniya ham joy oldi. Uning fikricha, bu jamoalar so‘nggi vaqtlarda barqaror o‘yin ko‘rsatmayotgan bo‘lsa-da, ularning salohiyati har doim xavfli hisoblanadi va ular jahon chempionatida har qanday natijaga erishishga qodir.
“Zamin”ni Telegramʻda oʻqing!
