Argentina terma jamoasi himoyachisi Nicolas Tagliafico jamoa 2026-yilgi Jahon chempionatida Lionel Messi uchun munosib xayrlashuv uyushtirishga bel bog‘laganini ma’lum qildi. Uning so‘zlariga ko‘ra, jamoa sardor faoliyatini yakunlaguniga qadar uni qo‘llab-quvvatlashda davom etadi. Bu haqda Goal.com xabar beradi.
Tagliafico FIFA bilan suhbatda Lionel Messining jamoa uchun naqadar muhim shaxs ekanligini ta’kidladi. Uning aytishicha, argentinalik futbolchilar so‘nggi Jahon chempionatidagi kabi birlashib, chempionlik unvonini himoya qilish uchun bor kuchlarini ishga solishga tayyor.
Amaldagi chempion sifatida turnirga kirish o‘ziga xos bosimni keltirib chiqaradi. Shunga qaramay, tajribali himoyachi jamoa so‘nggi to‘rt yil ichida taktik jihatdan yanada moslashuvchan va jismonan baquvvat bo‘lib shakllanganiga ishonch bildirmoqda.
2026-yilgi turnir Kanada, Meksika va AQShda bo‘lib o‘tadi. Argentina terma jamoasi Kansas City shahrida bazalanadi. Jamoa 48 ta ishtirokchi qatnashadigan yangi formatdagi musobaqada o‘z darajasini yana bir bor namoyish etishga intilmoqda.
“Zamin”ni Telegramʻda oʻqing!
