Neymar Jr. o‘zining sevimli stadioni Vila Belmiroda yana bir bor mahorat ko‘rsatib, Santos jamoasining Red Bull Bragantino ustidan 2:0 hisobidagi g‘alabasiga boshchilik qildi. 10-raqamli futbolchi nafaqat gol urdi, balki 2026-yilgi Jahon chempionati uchun Braziliya terma jamoasi tarkibiga kirish imkoniyatlarini sezilarli darajada oshirdi. Bu haqda Goal.com xabar beradi.
O‘yinning birinchi bo‘limiga qo‘shib berilgan daqiqalarda Neymar o‘zining klassik uslubidagi golni amalga oshirdi. Chap qanotdan hujum boshlagan yulduz futbolchi sherigi bilan chiroyli kombinatsiya uyushtirib, to‘pni darvozaning uzoq burchagiga aniq yo‘lladi. Bu gol Santosning yetti o‘yinlik g‘alabasiz seriyasiga chek qo‘yishda muhim ahamiyat kasb etdi.
Uchrashuvning 75-daqiqasida Neymar yana bir bor o‘zini ko‘rsatdi. U tomonidan amalga oshirilgan standart vaziyatdan so‘ng, Adonis Frias hisobni 2:0 ko‘rinishiga keltirdi. Neymar maydonni tark etayotganda muxlislar uni o‘rnidan turib, olqishlar bilan kuzatib qo‘yishdi.
34 yoshli futbolchi ushbu bahsda uchta zarba berib, oltita yakkakurashda g‘alaba qozondi va o‘yinning asosiy qahramoniga aylandi. Endilikda Santos oldinda kutib turgan Coritiba va San Lorenzo jamoalariga qarshi muhim o‘yinlarga tayyorgarlik ko‘radi.
“Zamin”ni Telegramʻda oʻqing!
