Braziliya terma jamoasi bosh murabbiyi Karlo Anchelotti 2026-yilgi Jahon chempionati uchun tarkibni shakllantirish jarayonida Neymar bilan bogʻliq vaziyatga oydinlik kiritdi. Mutaxassisning taʼkidlashicha, 34 yoshli hujumchining mundialga borishi faqat uning jismoniy holatiga bogʻliq. Bu haqda Goal.com xabar beradi.
"Neymarning chaqirilishi faqat uning oʻziga bogʻliq. Bu maydonda koʻrsatadigan oʻyiniga qarab hal qilinadi. Uning iqtidori shubhasiz, biz faqat jismoniy tayyorgarligini baholashimiz kerak", — dedi Anchelotti The Guardian nashriga bergan intervyusida.
Neymar yaqinda "Santos" safida "Red Bull Bragantino"ga qarshi oʻyinda gol urib va assist qayd etib, oʻz sport formasini tiklayotganini isbotladi. Ushbu gʻalaba jamoaning yetti oʻyinlik omadsiz seriyasiga chek qoʻydi.
Braziliya terma jamoasining yakuniy tarkibi dushanba kuni Rio-de-Janeyroda eʼlon qilinadi. Tarkibda Yevropaning "Real Madrid", "Arsenal" va "Chelsi" kabi klublarida toʻp surayotgan futbolchilar ham oʻrin olgan, biroq jarohatlar tufayli baʼzi oʻyinchilar roʻyxatdan tushib qolgan.
Braziliya mundial oldidan Panama va Misr terma jamoalariga qarshi oʻrtoqlik uchrashuvlarini oʻtkazadi. Jamoa Jahon chempionatidagi yurishini Marokashga qarshi bahs bilan boshlaydi.
“Zamin”ni Telegramʻda oʻqing!
