Liverpul va adidas 2026-27 yilgi mavsum uchun mo‘ljallangan yangi uy libosini rasman taqdim etdi. Yangi to‘plam klubning 80-yillar oxiridagi afsonaviy davrini yodga soluvchi klassik uslubda yaratilgan. Bu haqda Goal.com xabar beradi.
Dizayn 1989-90 yilgi chempionlik mavsumidagi libosdan ilhomlangan. To‘q qizil rangli asosda geometrik naqshlar aks etgan bo‘lib, bu detallar o‘sha davr futbol madaniyatining o‘ziga xos energiyasini zamonaviy ko‘rinishda qayta tiklaydi.
Uy libosining rasmiy taqdimoti 2026-yil 19-may kuni bo‘lib o‘tdi. Unda oq rangli adidas logotipi va klub emblemasi klassik estetikani yanada boyitib, zamonaviy va ixcham ko‘rinish kasb etgan.
Safar libosi haqidagi mish-mishlarga ko‘ra, adidas bu safar ko‘proq ko‘cha uslubiga urg‘u beradi. Unda an’anaviy logotip o‘rniga afsonaviy adidas Trefoil belgisi ishlatilishi hamda yoqasi va yeng qismlarida qizil, oq va kulrang chiziqlar bo‘lishi kutilmoqda.
“Zamin”ni Telegramʻda oʻqing!
