Byornli vaqtinchalik bosh murabbiyi Maykl Jekson dushanba kuni Arsenalga qarshi kechgan bahsda Kai Havertzga qizil kartochka ko‘rsatilmaganidan noroziligini bildirdi. Uchrashuv 1:0 hisobidagi mehmonlar g‘alabasi bilan yakunlangan bo‘lsa-da, ikkinchi bo‘limda germaniyalik hujumchining Lesley Ugochukwuga nisbatan ishlatgan qo‘pol harakati katta bahslarga sabab bo‘ldi. Bu haqda Goal.com xabar beradi.
Maykl Jeksonning fikricha, hakamlar VAR tizimi orqali vaziyatni qayta ko‘rib chiqishlari va Havertzni maydondan chetlatishlari kerak edi. "Bu juda xavfli harakat edi, u yerdan oyoqlarini uzib sakradi. Agar o‘sha vaziyatda qizil kartochka berilganida, o‘yinning borishi butunlay o‘zgarishi mumkin edi", - dedi murabbiy.
Arsenal ushbu g‘alabadan so‘ng Angliya Premer-ligasi chempionligiga yanada yaqinlashdi. Jamoa 37 ta o‘yindan so‘ng 82 ochko bilan turnir jadvalida peshqadamlik qilmoqda va Manchester Siti bilan farqni saqlab qolmoqda.
Londonliklar endi 24-may kuni Kristal Pelasga qarshi o‘yinda g‘alaba qozonsa, muddatidan avval chempionlikni rasmiylashtiradi. Shundan so‘ng, Mikel Arteta shogirdlari Chempionlar ligasi finalida PSJga qarshi maydonga tushishadi.
“Zamin”ni Telegramʻda oʻqing!
