Garet Beyl jarohati tufayli uch hafta maydonga tusha olmaydi

Madridning “Real” klubi hujumchisi Garet Beyl Ispaniya chempionatining 33-turidan o‘rin olgan “Barselona”ga qarshi uchrashuv (2:3) da jarohat olib maydonni tark etgandi.

Uff.uz yozishicha, “qirollik klubi” yetakchilaridan biri endilikda uch hafta maydonga tusha olmaydi.

Beyl bunday tarzda, “Real”ning Yevropa chempionlar ligasi 1/2 finalidan o‘rin olgan “Atletiko”ga qarshi yarim final uchrashuvida maydonga tusha olmasligi taxmin qilinmoqda.