Xavi Martines tog‘da dam olayotgan vaqtda oyoq suyagini sindirib oldi

"Kicker" nashrining ma’lum qilishicha, "Bavariya"ning ispaniyalik universal o‘yinchisi Xavi Martines mavsumoldi tayyorgarligining bir qismini o‘tkazib yuborishi mumkin.

Gap shundaki, u tug‘ilgan joyi bo‘lmish Basklar yurtida tog‘da sayr qilib yurgan chog‘ suyagini sindirib olgan. Jarohat tiklanish jarayonini qiyinlashtiradi. Hozirdan Martines "Bavariya"ning Xitoyda o‘tadigan yig‘inini o‘tkazib yuborishi ma’lum bo‘ldi.