"Monako" etakchisi ilk o‘yinda jarohat oldi

Kecha Fransiya chempionati start oldi va mavsumning ilk uchrashuvida amaldagi chempion “Monako” klubi o‘z maydonida “Tuluza”ga qarshi maydonga tushib, 3:2 hisobida zafar quchdi.

Biroq, urush qurbonsiz bo‘lmaydi deganlaridek kecha “Monako” hujumchisi Kilian Mbappe uchrashuvning 75-daqiqasida kutilmaganda jarohat olib maydonni tark etdi, deb yozadi Darakchi.uz nashri. Uning o‘rniga esa uchrashuvni Allan Sent-Maksimen yakunlab qo‘ydi.

So‘nggi ma’lumotlarga ko‘ra, 18 yoshli forvardning sog‘ligi xavf ostida emas. Uning jarohati jiddiy bo‘lib chiqmadi. “Zamin”ni Telegramʻda oʻqing!