«Uch millat kubogi»: O‘zbekiston ayollar termasi muddatidan avval g‘oliblikni qo‘lga kiritdi

Qirg‘iziston poytaxti Bishkek shahrida ayollar terma jamoalari o‘rtasida “Uch millat kubogi” xalqaro o‘rtoqlik turniri o‘z yakuniga etib bormoqda.
Kecha, 18 avgust kuni Qozog‘iston va Qirg‘iziston termalari o‘zaro bahs olib borib, 2:2 hisobida durang o‘ynadi. Bugun, 19 avgust kuni esa O‘zbekiston ayollar termasi Qozog‘iston bilan kuch sinashib, 6:0 hisobida g‘alaba qozondi.

Mazkur g‘alabadan keyin O‘zbekiston ayollar termasi muddatidan avval musobaqa g‘olibiga aylandi. Dastlabki turda Qozog‘istonga qarshi maydonga tushgan O‘zbekiston ayollar termasi 7:0 hisobida zafar quchgandi. Ikkinchi turda esa mezbon Qirg‘iziston 3:1 hisobida taslim qilingan edi.

Ertaga, 20 avgust kuni so‘nggi o‘yin bo‘lib o‘tadi. Unda O‘zbekiston va Qirg‘iziston ayollar terma jamoalari o‘zaro kuch sinashadi.


Manba: www.the-uff.com
“Zamin”ni Telegramʻda oʻqing!