“Real”siz o‘tadigan musobaqa yarim finaliga qur’a tashlandi, “Barselona”ning raqibi jiddiy

Bugun, 26 yanvar kuni Ispaniya kubogi musobaqasining yarim final bosqichiga qur’a tashlash marosimi bo‘lib o‘tdi.
Qur’a natijalariga ko‘ra, “Barselona” yarim finalda jiddiy raqib “Valensiya” klubi bilan o‘ynaydi.

“Real”ni musobaqadan chiqarib yuborgan “Leganes” esa “Sevilya” bilan finalga chiqish uchun kurashadi.
Birinchi o‘rinda ko‘rsatilgan jamoalar ilk uchrashuvni o‘z uylarida o‘tkazishadi.

Ma’lumot uchun, ilk o‘yinlar 31 yanvar kuni o‘tkazilsa, javob uchrashuvlar 7 fevral kuni bo‘lib o‘tadi.

31 yanvar
“Barselona” – “Valensiya”
“Leganes” – “Sevilya”

Javob uchrashuvlari

7 fevral
“Valensiya” - “Barselona”
“Sevilya” - “Leganes”

Eslatib o‘tamiz, avvalroq “Leganes” “Real” klubini musobaqadan chiqarib yuborgandi.

Bugun “Barselona” Koutino debyutini o‘tkazgan o‘yinda “Espanol”ni 2:0 hisobida mag‘lubiyatga uchratib, yarim finalga yo‘llanma olgani haqida xabar bergandik.
“Zamin”ni Telegramʻda oʻqing!