Ronalduning yangi “ishqiy yozishmalari” Jorjinaning tug’ilgan kun marosimi kayfiyatini yer bilan yakson qildi

Mashhur futbolchi Krishtianu Ronalduning sevimli ayoli va farzandining onasi bo’lmish Jorjina Rodrigesning 24 yoshga to’lishi munosabati bilan uyushtirilgan tamaddi kayfiyati mutlaqo bayram ko’rinishini eslatmas edi. Aftidan Jorjina bo’lg’usi turmush o’rtog’ining model Rian Sugden bilan bog’liq ishqiy yozishmalaridan xabar topgan va shu sababli tug’ilgan kun davomida chehrasini ochmagan.

Paparatsilar tomonidan olingan suratlarda Jorjinaning o’z yuzini sumka bilan to’sishga urinayotgani, Ronaldu esa qo’lini uning yelkasiga tashlab olgani ko’rinadi. Juftlik restoran ichiga kirganlaridan keyin ham Jorjinaning kayfiyati mutlaqo o’zgarmagan.

Ayni paytda xorij nashrlarida Ronalduning model Rian Sugdenga ishqiy xabarlar yuborgani, qiz esa unga sevgani bor ekanligi va uni tinch qo’yishi haqida aytgani, keyin esa oraga modelning sevgan insoni ham aralashgani haqidagi xabarlar berilmoqda.

Bu esa Ronalduning 4 farzandiga onalik qilayotgan Jorjinaga qattiq ta’sir qilgani ajablanarli emas, albatta.
“Zamin” yangiliklarini “Telegram”da kuzatib boring