31 yanvar. Angliya premer-ligasi. 25-tur. «Tottenxem» - «MYu». 10-11-soniyalar oralig‘i. Hisob - 1:0. Gol muallifi - Kristian Eriksen.
Ha, daniyalik yarim himoyachi muhim o‘yinda APL tarixidagi eng tezkor gollardan birini urdi. Aniqroq aytsak, «shporlar» vakili bu boradagi reytingning 3-o‘rnidan joy oldi.
Diqqatga sazovor tomoni, chempionatdagi eng tezkor gol ham aynan «Tottenxem»ga tegishli: Ledli King 2000 yili «Bredford»ga qarshi kechgan safar o‘yinining 9,9-soniyasidayoq hisobni ochgandi.
Kristian Eriksen goliga ta’rif
Daniyalik futbolchi o‘yinni rosa sog‘ingan ekan, pachakilashib o‘tirmay, 11-soniyadayoq raqib darvozasini ishg‘ol qilib qo‘ya qoldi. Chunonchi, u jarohat sabab, ma’lum muddat maydonga tusholmagandi.
Xullas, chiroyli qaytish. Aytish joiz, ilk samarali hujumda «Tottenxem» oldingi chizig‘ining barcha yulduzlari ishtirok etishdi: Garri Keyn havodagi to‘p uchun kurashda ustun keldi, Dele Alli tovoni bilan nafis uzatmani amalga oshirdi, Eriksen esa nozik zarba yo‘llab, David de Xeaga zarracha imkoniyat qoldirmadi.
Ehtimol, bu eng tezkor gollar orasida estetik tomondan eng chiroylisidir. Hisob ochilgan payt «MYu» muxlislari joylariga tuzukroq o‘rnashib olishga ham ulgurishmagandi.
Joze Mourino chinakam «shok» holatida, biroq o‘sha oqshom «Uembli»ni begonaning qayg‘usi tashvishga solarmidi? Muhimi, Eriksenning chaqmoq misoli tezkor goli yakuniy natija bilan yanada go‘zallashdi - 2:0.
Abdulloxon Isroilxonov
Manba: www.interfutbol.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH harbiylari orasida o‘z joniga qasd qilish ko‘paydi
Yaxshi pishgan va mazali anor tanlashga yordam beradigan tavsiyalar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Donald Tramp 27 yoshli Karolin Levittni Oq uy matbuot kotibi etib tayinlamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
