Ispaniya chempionati 24-turi doirasidagi bugunga belgilangan so‘nggi bahs o‘z poyoniga yetdi. «Betis» hamda «Real» o‘rtasida kechgan bahsda 3:5 hisobi qayd etildi.
Uchrashuvning 11-daqiqasida Ronalduning zarbasidan so‘ng darvozabondan qaytgan to‘pga Asensio bosh bilan zarba berib hisobni ochdi.
Ammo bu goldan so‘ng mezbonlar «gallaktikos» darvozasi oldida hujumlar yomg‘irini boshlashdi. Bu holat ko‘p o‘tmay hisobda ham o‘z aksini topdi. 34-daqiqada Aysa Mandi muvozanatni tiklagan bo‘lsa, 37-daqiqada Nacho avtogol muallifiga aylandi, 2:1.
Birinchi bo‘lim mezbonlarning shu hisobdagi g‘alabasi bilan yakunlandi. Ikkinchi bo‘limni «Real» juda faol boshladi va 50-daqiqada Ramosning bosh bilan bergan zarbasidan so‘ng hisob tenglashdi. Bu goldan so‘ng o‘yin juda shiddatli va jangovor ruh olib davom etdi.
59-daqiqada Karvalning ajoyib hatti-harakatlari va chiroyli pasidan so‘ng Asensio dubl qayd etib hisobni madridliklar foydasiga o‘zgartirdi, 2:3.
66-daqiqada hisob yana o‘zgardi. Bu safar Ronalduning aniq zarbasidan so‘ng hisob 2:4 ko‘rinishini oldi.
Shundan so‘ng o‘yin biroz sokinlashgandek bo‘ldi, ammo ketma-ket amalga oshirilgan o‘zgarishlar samarasini berib «Betis» yana «jangga» qaytdi va hisobni qisqartirdi. Gol muallifi Serxio Leon. Ammo bu hammasi emasdi.
Aniqrog‘i, zaxiradan maydonga tushgan Karim Benzema 90+2-daqiqada jamoasining 5-golini kiritib o‘yin taqdirini hal qildi.
Betis – Real Madrid 3:5 (2:1)
18 fevral, «Benito Vilyamarin»
Gollar: 0:1 – 11 Asensio, 1:1 – 33 Mandi, 2:1 – 37, avtogol Nacho, 2:2 – 50 Ramos, 2:3 – 59 Asensio, 2:4 – 65 Ronaldu, 3:4 – 85 Leon, 3:5 - Benzema 90+2.
Betis – Adan, Bartra, Amat (Garsiya, 75), Firpo, Mandi, Sanches, Budebuz (Telo, 81), Guardado (Leon, 81), Fabian Ruis, Barragan, Moron.
Real Madrid – Navas, Ramos, Marselo (Teo, 30), Karvaxal, Nacho, Kovachich, Kazemiro, Asensio, Vaskes, Beyl (Isko, 73), Ronaldu (Benzema, 89).
Ogohlantirishlar: Karvaxal (5), Barragan (44), Kovachich (46), Firpo (49), Ramos (55), Beyl (57), Moron (61), Kazemiro (81).
Manba: www.stadion.uz. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
AQSH harbiylari orasida o‘z joniga qasd qilish ko‘paydi
AQSH Isroilning ikki vaziriga sanksiya qo‘llamoqchi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
