Lopetegining "Real"dagi maoshi ma’lum bo‘ldi

Ispan nashrlari Madridning “Real” klubi yangi bosh murabbiyi Xulen Lopetegi bilan tuzilgan shartnoma shartlarini ma’lum qildi.

Ispaniya terma jamoasi sobiq bosh murabbiyi “Santyago Bernabeu”da yiliga 6 mln yevro maosh oladi. Bu milliy terma jamoadagiga nisbatan ikki baravar ko‘p degani.

Eslatib o‘tamiz, Lopetegi “Real” bilan kelishuvga erishganligi sababli JCh-2018 startiga bir kun qolganida lavozimidan ozod qilingan. Lopetegi qo‘l ostida ispanlar ikki yil ichida 20 o‘yin o‘tkazib, biror marta mag‘lubiyatga uchramadi. 14 g‘alaba, 6 durang.

Hozirda Ispaniya terma jamoasini Fernando Yerro boshqarmoqda. Ikki turdan so‘ng jamoa Portugaliya termasi bilan guruhda yetakchilik qilmoqda.




“Zamin”ni Telegramʻda oʻqing!