9 avgust kuni O‘zbekiston OTJ bosh murabbiyi bilan matbuot anjumani bo‘lib o‘tadi

Xabaringiz bor, Ravshan Haydarov boshchiligidagi O‘zbekiston olimpiya terma jamoasi ertaga Osiyo o‘yinlarida ishtirok etish uchun Indoneziyaga jo‘nab ketadi.

Safar oldidan terma jamoa bosh murabbiyi Ravshan Haydarov bilan ommaviy axborot vositalari xodimlari uchun matbuot anjumani tashkil qilinadi. Anjuman soat 11:00da poytaxtimizdagi “Miran” mehmonxonasida bo‘lib o‘tadi.

Eslatib o‘tamiz, O‘zbekiston olimpiya terma jamoasi Osiyo o‘yinlarida “B” guruhidan o‘rin olgan bo‘lib, guruhimizdan Tayland, Bangladesh va Qatar terma jamoalari o‘rin olishgan.

Futbol bo‘yicha musobaqalar 14 avgust kunidan boshlanadi.
“Zamin”ni Telegramʻda oʻqing!