Taekvondochilarimiz Jahon Kubogida 45 medal bilan 2-o‘rinni egallashdi

Joriy yilning 29 noyabr 3 dekabr kunlari Belorussiya poytaxti Minsk shahrida taekvondo ITF​ sport turi bo‘yicha yoshlar, kadetlar va kattalar o‘rtasida Jahon Kubogida musobaqalari bo‘lib o‘tdi.

Dunyoning 18 davlatdan 1975 nafar sportchi ishtirok etgan ushbu musobaqada yurtimiz sharafini O‘zbekiston Taekvondo ITF​ Assotsiatsiya rahbari Laziz Hasanov boshchiligida 53 nafar sportchimiz himoya qilishdi. O‘zbekistonlik sportchilar musobaqada 18 ta oltin, 9 ta kumush va 18 ta bronza medalni ko‘lga kiritib umumjamoa hisobida 2-o‘rinni egallashdi.

Sportchilarimiz bugun yurtimizga qaytib keladilar. Terma jamoamiz soat 20:00da, Islom Karimov nomidagi “Toshkent” xalqaro aeroportida tantanali ravishda kutib olinadilar.

Ma’lumot uchun, 8-9 dekabr kunlari poytaxtimizda taekvondo ITF​ sport turi bo‘yicha O‘zbekiston Kubogi musobaqalari bo‘lib o‘tadi, tadbirda Xalqaro Taekvondo ITF​ prezidenti, IMGS Butun jahon yakka kurash va jang san’ati prezidenti ishtirok etishi kutilmoqda. “Zamin”ni Telegramʻda oʻqing!