Saudiya Arabistonining “Al-Ahliy” klubi bosh murabbiyi Xorxe Fossati Osiyo Chempionlar Ligasi guruh bosqichidan oʻrin olgan “Paxtakor”ga qarshi oʻyindan oldin oʻtkazilgan matbuot anjumanida oʻz fikrlari bilan oʻrtoqlashdi.
“Ertaga bizni juda qiziqarli oʻyin kutmoqda. «Paxtakor” juda kuchli klub, uni yaxshilab oʻrganib chiqdik. U mavsumni yaxshi boshladi, Erondan ochko bilan qaytdi. “Paxtakor” ancha yaxshi shakllangan jamoa. Ularga qarshi oʻynash oson boʻlmaydi. Ammo biz ham oʻz kuchimizga ishonamiz. Biz raqibdan kam emasmiz.
Oʻyinga tayyorgarlik koʻrish jarayonida ayrim futbolchilarga alohida eʼtibor qaratmaymiz. Balki, barcha futbolchiga qarshi tayyorgarlik koʻramiz. Biz butun jamoaning imkoniyatini oʻrganib chiqamiz, futbolchilarning hammasiga qarshi tayyorgarlik koʻramiz.
“Al-Ahliy”ni 1 oy oldin qabul qilib oldim. Bunga qadar chempionat va mamlakat Kubogida qatnashib kelayotgandik, mana shu 1 oy ichida 8ta oʻyin oʻtkazdik, yaʼni har 3-4 kunda 1ta oʻyindan. Endi Chempionlar Ligasida ham ishtirok etyapmiz. Men oʻz taktikamni va uslubimni bosqichma-bosqich joriy qilib boraman. 1 oy bu yetarli muddat emas. Bundan tashqari, oʻz taktikamni ochiq muhokama qilmayman», - dedi urugvaylik mutaxassis.
“Paxtakor” - “Al-Ahliy” oʻyini 12 mart kuni soat 18:00da boshlanadi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
Surxondaryoda Telegram orqali arzon mahsulot sotishini aytib, o‘zganing pulini o‘zlashtirgan shaxs ushlandi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi