«Barselona» Neymarga juda katta maosh - yiliga 30 mln yevro taklif qilmoqda

"Barselona" rahbariyati jamoa hujumchisi Neymar bilan yangi shartnoma borasida taklif bermoqchi.

Marca nashriga asoslanib Uff.uz yozishicha, bu yerda eng asosiy masala futbolchining maoshi bilan bog‘liq bo‘ladi.

Ya’ni, kataloniyaliklar ayni paytda Braziliya terma jamoasi futbolchisiga yiliga 10.5 mln yevro berishmoqda. Endi bo‘lsa, ushbu miqdorni naq uch baravarga ko‘tarishmoqchi. Shunda Neymar 30 mln yevro oladigan bo‘ladi.

Eslatib o‘tamiz, "Barsa" prezidenti Xosep Bartomeu Neymarning maoshi kamligi haqida gapirib o‘tgandi. Futbolchining amaldagi shartnomasi esa, 2018 yilgacha davom etadi.