Eden Azar: “Bir emas, ikkita orzum roʻyobi uchun Abramovichga rahmat”

«Челси»дан «Реал»га ўтган яримҳимоячи Эден Азар Instagram`даги саҳифасида мазкур муҳим янгилик юзасидан ўз фикрлари билан бўлишди.

«Реал»га ўтишим энди сир эмас. Шу клубда ўйнашни болалигимдан орзу қилганимни биласиз. Миш-мишлар ва ОАВнинг менга эътибори ошган мураккаб даврда – айниқса охирги ярим йил давомида ўзимни ва жамоани чалғитмасликка бор кучим билан уриндим.

Энди клублар харид бўйича келишиб олишди. Мен ҳаётимда янги саҳифа очишим кераклигини тушунасиз, деган умиддаман. Ахир ҳар биримиз орзумиз рўёбига имкон туғилганда шундай қиламиз.

«Челси»дан кетиш – фаолиятим давомида қабул қилишимга тўғри келган энг катта ва энг қийин қарор.

Ҳозир шуни расман баён қилишни истардимки, мен «Челси»даги ҳар бир онимдан завқ олдим, бирор марта ҳам бошқа ҳеч қайси клубга ўтиш ҳақида ўйламадим.

Ketishimdan oldin klubdagi barchaga rahmat aytmoqchiman. Klub xoʻjayini mister Abramovich va uning boshqaruvchilariga ham tashakkur aytishim kerak; ular mening bir emas, ikkita orzumni roʻyobga chiqishiga yordamlashishdi – birinchisi “Chelsi” safida oʻynash, ikkinchi esa – “Real” aʼzosi boʻlish», – deb yozgan Azar.

28 yoshli vinger transferi boʻyicha kelishuvga erishilgani 7-iyun kuni rasman tasdiqlandi.

Eden 13-iyun, payshanba kuni “Santyago Bernabeu” stadionida “Real”ning yangi futbolchisi sifatida tanishtiriladi. “Zamin”ni Telegramʻda oʻqing!